por Mair Saraga
Noche de Purim
Esta noche de Purim – no se echan los alhalueros,
nada más que haZien alhalua – para los despoZados,
í Viva yo y viva el rey – viva la reina Ester,
que mos dio tanto plaser!
Esta noche es de Purim – no se echan los alhalueros
mas que haZiendo alhalua – para los despoZados.
Tate tu, Tamar la loca, – que a ti hablar no te toca,
que por ti hiZi la horca, – y me la pusi en Purim.
Í Viva el rey, viva el rey, – viva la reina Ester!
Daimos Purim
Daimos Purim – daimos Hanuca
Daimos lo que mos dais – mucho bien tengáis.
Tefila de oro y plata.
Daimos de prisa – que mos espera la rebisa,
daimos de luego – que mos espera el rebbi nuevo,
daimos a davagar – que mos espera el mendar.
Sol y luna,
Tefila de oro y plata.
A Simon venemos – los tefelimes le trayemos
Sol y luna,
Tefila de oro y plata
La reina Ester
Cuando Ister la reina – vistiose de reina,
a Jasberos potente – le mandi a yamar,
hermosa y piadoZa – como el sol alumbroZa,
fueron los salvadores de todo Israel.
Ayunemos tres ayunos – que debemos ayunar,
mayores y menores – hijos de Israel.
La horca que hiZo – prebola corriZo
Aman y sus diez hiZos.
En el libro de Israel – todos los días yamemos
a la fiesta de Purim.
Comamos y bebamos – y también mos emborrachemos
y alegres mos quedemos – hiZos de Israel.
